‘अटल’ उपक्रम (ATAL – Assessment, Tests And Learning) – विद्यार्थ्यांच्या आत्मविश्वास व शैक्षणिक संधींना चालना
विद्यार्थ्यांच्या क्षमतांचा शोध घेणे, त्यांच्या आत्मविश्वासाला चालना देणे आणि आधुनिक तंत्रज्ञानाच्या मदतीने शैक्षणिक संधी उपलब्ध करून देण्यासाठी महाराष्ट्र राज्य सामाईक प्रवेश परीक्षा कक्षाकडून ‘अटल’ (ATAL – Assessment, Tests And Learning) हा उपक्रम सुरू करण्यात आला आहे. उच्च व तंत्र शिक्षण मंत्री चंद्रकांत (दादा) पाटील यांच्या हस्ते या उपक्रमाचे उद्घाटन करण्यात आले.
‘अटल’ उपक्रमाची वैशिष्ट्ये
या उपक्रमाअंतर्गत विद्यार्थ्यांना मॉक टेस्ट्स आणि सायकोमेट्रिक टेस्टच्या माध्यमातून शैक्षणिक व व्यावसायिक विषय निवडण्यासाठी योग्य मार्गदर्शन मिळेल. या सराव परीक्षांमुळे विद्यार्थ्यांना त्यांची कौशल्ये आणि क्षमता ओळखता येईल आणि परीक्षेचा ताण कमी होईल.
उपक्रमाचे फायदे:
- मॉक टेस्ट्स: राज्य सामाईक प्रवेश परीक्षांसाठी विद्यार्थ्यांना पूर्वतयारीची संधी मिळेल.
- सायकोमेट्रिक टेस्ट्स: विद्यार्थ्यांना त्यांच्या आवडी-क्षमतांनुसार योग्य शैक्षणिक व व्यावसायिक विषय निवडण्यास मदत होईल.
- आत्मविश्वास वाढ: परीक्षेची तयारी आणि योग्य मार्गदर्शनामुळे विद्यार्थ्यांमध्ये आत्मविश्वास वाढेल.
- ताणतणाव कमी: परीक्षा तयारीच्या वेळी येणारा ताण कमी होईल.
(ATAL – Assessment, Tests And Learning) उपक्रमाचे उद्दिष्ट
(ATAL – Assessment, Tests And Learning) हा उपक्रम फक्त परीक्षेची तयारी पुरता मर्यादित नसून, विद्यार्थ्यांना शैक्षणिक जीवनात पुढे जाण्यासाठी प्रेरित करणारा आहे. विद्यार्थ्यांना त्यांच्या भविष्यासाठी योग्य संधी ओळखून ती साध्य करण्यासाठी योग्य दिशा देण्याचा या उपक्रमाचा उद्देश आहे.
ऑनलाइन नोंदणी
‘अटल’ (ATAL – Assessment Tests And Learning) उपक्रमासाठी ऑनलाइन नोंदणीची सुविधा उपलब्ध आहे. अधिक माहितीसाठी https://cetcell.mahacet.org या संकेतस्थळाला भेट द्या.
(ATAL – Assessment, Tests And Learning) Online registration
विद्यार्थ्यांच्या शैक्षणिक प्रवासाला प्रोत्साहन देणारा ‘अटल’ (ATAL – Assessment, Tests And Learning) उपक्रम महाराष्ट्रातील शैक्षणिक व्यवस्थेत एक नवीन दिशा निर्माण करेल. परीक्षेची पूर्वतयारी, आत्मविश्वास वाढ आणि योग्य मार्गदर्शन यासाठी हा उपक्रम विद्यार्थ्यांसाठी उपयुक्त ठरेल.
